முரளிதரனை பின்னுக்கு தள்ளும் அஸ்வின்: இலங்கை போட்டியில் காத்திருக்கும் சாதனை

November 15, 2017 3:29 AM

2 0

முரளிதரனை பின்னுக்கு தள்ளும் அஸ்வின்: இலங்கை போட்டியில் காத்திருக்கும் சாதனை

இலங்கை அணிக்கு எதிரான டெஸ்ட் தொடரில் இந்திய வீரர் அஸ்வின் குறைந்த இன்னிங்ஸில் 300 விக்கெட்டுகள் வீழ்த்திய வீரர் என்ற சாதனையை படைக்க உள்ளார்.

இலங்கை மற்றும் இந்தியா அணிகளுக்கிடையேயான முதல் டெஸ்ட் போட்டி வரும் 16-ஆம் திகதி கொல்கத்தாவில் நடைபெறவுள்ளது.

இத்தொடருக்கு இந்திய அணியில் இருந்து சமீபகாலமாக ஓரங்கட்டப்பட்டு வந்த, அஸ்வின் மற்றும் ஜடேஜா தெரிவு செய்யப்பட்டுள்ளனர்.

இருவரும் இத்தொடரில் தங்கள் திறமையை நிரூபிக்க வேண்டிய சூழ்நிலை ஏற்பட்டுள்ளது.

இந்நிலையில் இந்த தொடரில் அஸ்வின் 8 விக்கெட்டுகள் வீழ்த்தினால், குறைந்த இன்னிங்ஸில், அதிக விக்கெட்டுகள் வீழ்த்திய முதல் வீரர் என்ற பெருமையை பெறுவார்.

அஸ்வின் தற்போது 52 போட்டிகளில் விளையாடி 292 விக்கெட்டுகள் வீழ்த்தியுள்ளார். இலங்கை தொடர் மூன்று டெஸ்ட் போட்டிகள் கொண்டது என்பதால், அவர் நிச்சயம் 8 விக்கெட்டுகளை வீழ்த்திவிடுவார் என்று எதிர்பார்க்கப்படுகிறது.

இதற்கு முன்னர் அவுஸ்திரேலியாவின் முன்னாள வீரர் டென்னிஸ் லில்லீ 56-வது போட்டியில் 300 விக்கெட்டுகளை வீழ்த்தியுள்ளார்.

இதற்கு அடுத்தபடியாக இலங்கை அணியின் முத்தையா முரளிதரன் 58 போட்டிகளில் 300 விக்கெட்டுகள் வீழ்த்தியுள்ளார்.

இந்த தொடரில் அஸ்வின் சாதிக்கும் பட்சத்தில் இரண்டு பேரையும் பின்னுக்கு தள்ளி அஸ்வின் முதலிடம் பிடிப்பார்.

ஆதாரம்: kathiravan.com

வகை பக்கம்

Loading...