குடிநீர்க் குழாய்களில் ஏற்பட்ட நீர்க்கசிவால் சென்னை சாலைகளில் பள்ளம்!

December 1, 2017 12:17 PM

2 0

குடிநீர்க் குழாய்களில் ஏற்பட்ட நீர்க்கசிவால் சென்னை சாலைகளில் பள்ளம்!

சென்னையில் உள்ள கேகே நகரில் குடிநீர் குழாய்களில் ஏற்பட்ட கசிவு காரணமாக சாலைகளில் பள்ளம் உருவாகி உள்ளது.

சென்னை கேகே நகரில் உள்ள அழகரிசாமி சாலையில் சில தினங்களுக்கு முன் குடிநீர் குழாயில் கசிவு ஏற்பட்டதால் தண்ணீர் வெளியேறி வருகிறது. இந்த நீர்க்கசிவால் சாலைகள் மிகவும் சேதமடைந்து வருகின்றன.

இந்நிலையில், அழகரிசாமி சாலையில் தற்போது பள்ளம் ஒன்று உருவாகி உள்ளது. கே.கே.நகர் சாலையில் கடந்த 10 நாட்களில் ஏற்படும் 3வது பள்ளம் இதுவாகும். இந்தத் திடீர் பள்ளங்களால் அங்குள்ள மக்களை அவதிக்கு உள்ளாக்கி உள்ளனர்.

இது குறித்து பேசிய சென்னைப் பொதுப்பணித்துறை அதிகாரிகள், சாலைகள் உறுதியாக உள்ளதாகவும், குடிநீர்க் குழாய்களில் ஏற்படும் கசிவுகளால்தான் பள்ளம் ஏற்படுவதாகத் தெரிவித்தனர்.

இதற்குப் பதிலளித்த மெட்ரோ குடிநீர் அதிகாரிகள், குடிநீர்க் குழாய்களில் ஏற்படும் கசிவுகளைக் கண்டறிவது கடினம் எனவும் இருப்பினும் சாலையில் பள்ளம் ஏற்படுவது போன்ற மிக மோசமான சூழல்களைத் தடுக்க முன்னெச்சரிக்கை நடவடிக்கை எடுக்கப்படும் எனவும் தெரிவிக்கப்பட்டுள்ளது.

ஆதாரம்: kathiravan.com

வகை பக்கம்

Loading...