Receive up-to-the-minute news updates on the hottest topics with NewsHub. Install now.

சிறுவர்கள் 18 பேரின் எலும்புக்கூடுகள் மீட்பு

November 7, 2018 1:47 PM
2 0
சிறுவர்கள் 18 பேரின் எலும்புக்கூடுகள் மீட்பு

மன்னாரில் இது வரையான அகழ்வு பணிகளின் போது கிடைக்கப் பெற்ற மனித எலும்புக்கூடுகளில் 18 மனித எலும்புக்கூடுகள் சிறுவர்களுடயது எனவும் பெண்கள் தொடர்பான விபரங்கள் முழு பரிசோதனையின் பின்னரே தெரியவரும் என சட்ட வைத்திய அதிகாரி சமிந்த ராஜபக்ஸ தெரிவித்தார்.

மன்னார் மனித புதைகுழி அகழ்வு பணியானது 102 ஆவது நாளாக இன்று தொடர்சியாக இடம்பெற்று வருகின்றது .

தெடர்ச்சியாக மழை பெய்கின்ற போதும் மனித எலும்புக்கூடுகள் அடையாளப்படுத்தப்பட்டும் அப்புறப்படுத்தப்பட்டும் வருகின்றது.

மன்னார் நீதிவான் ரி.சரவணராஜா மேற்ப்பார்வையிலும் சட்ட வைத்திய அதிகாரி சமிந்த ராஜபக்ஸ தலைமையிலும் அகழ்வு அகழ்வ பணி இடம்பெற்று வருகின்றது.

அந்த வகையில் இன்று புதன்கிழமை மனித புதை குழி வளாகத்தில் ஊடகவியலாளர்களுக்கு கருத்து தெரிவிக்கையிலேயே சட்ட வைத்திய அதிகாரி அவ்வாறு தெரிவித்தார்.

இன்றைய தினத்துடன் 102 வது தடவையாக மனித எலும்புக்கூடுகள் அகழ்வுபணிகள் இடம் பெறுவதாகவும் இதுவரை 232 மனித எலும்புக்கூடுகள் அடையாளப்படுத்தப்பட்டுள்ளது. அதில் 224 மனித எலும்புக்கூடுகள் அப்புறப்படுத்தப்பட்டுள்ளதுடன் மேலதிக மனித எலும்புக்கூகளை அப்புறப்படுத்தும் பணிகள் தொடர்சியக இடம் பெற்று வருகின்றன.

மேலும் இது வரையான அகழ்வு பணிகளின் போது கிடைக்கப் பெற்ற மனித எலும்புக்கூடுகளில் 18 மனித எலும்புக்கூடுகள் சிறுவர்களுடயது என்பதுடன் பெண்கள் தொடர்பான விபரங்கள் முழு பரிசோதனையின் பின்னரே தெரியவரும்.

கடந்த வாரத்தில் சந்தேகத்திற்கு உரிய விதமாக சில தடைய பொருட்கள் கைப்பற்றப்பட்டுள்ளது. அதில் மோதிரம் போன்ற ஒரு தடையப் பொருளும் மாபிளை ஒத்த ஒரு தடையப் பொருளும் கிடைக்கப் பெற்றுள்ளது.

அதே வகையில் குறித்த மனித புதை குழியில் இருந்து கிடைக்கப் பெற்ற முக்கிய தடைய பொருளான மெலிபன் பக்கற் தொடர்பான அறிக்கையானது நீதி மன்றத்துக்கு நேரடியாக அனுப்பப்பட்டுள்ளது. தனக்கு அவ் அறிக்கை தொடர்பான விபரங்கள் தெரியாது எனவும் அவர் மேலும் தெரிவித்தார்.

ஆதாரம்: kathiravan.com

சமூக வலைப்பின்னல்களில் பகிர்ந்து:

Comments - 0