Receive up-to-the-minute news updates on the hottest topics with NewsHub. Install now.

ஈராக்கில் தீவிரவாதிகள் தற்கொலைப்படை தாக்குதல்: 17 பேர் பலி, 28 பேர் காயம்!

November 28, 2017 7:05 AM
2 0
ஈராக்கில் தீவிரவாதிகள் தற்கொலைப்படை தாக்குதல்: 17 பேர் பலி, 28 பேர் காயம்!

ஈராக்கில் தீவிரவாதிகள் நடத்திய தற்கொலைப்படை தாக்குதலில் 17 பேர் பலியாகியுள்ளனர். மேலும், 28 பேர் காயமடைந்துள்ளனர்.

ஈராக்கில் தீவிரவாதிகளுக்கும், ராணுவத்தினருக்கும் இடையில் அடிக்கடி தாக்குதல் நடந்து வருகிறது. இந்த தாக்குதலில் பல அப்பாவி பொதுமக்கள் பரிதாபமாக உயிரிழந்து வருகின்றனர். இந்த நிலையில், ஈராக் தலைநகரான பாக்தாத்திலிருந்து தென் கிழக்கு திசையில் கிட்டத்தட்ட 35 கிலோ மீட்டர் தொலைவில் உள்ள நஹ்ரவான் மார்க்கெட் பகுதியில் நேற்று காலை 5 தீவிரவாதிகள் உள்ளே நுழைந்துள்ளனர். இதையறிந்து போலீசார் அப்பகுதியில் நடத்திய தாக்குதலில் 3 தீவிரவாதிகள் கொல்லப்பட்டனர். ஆனால், 2 தீவிரவாதிகள் தங்களது உடலில் கட்டியிருந்த வெடிகுண்டை வெடிக்கச் செய்தனர். இதில், 17 பேர் பரிதாபமாக உயிரிழந்துள்ளனர். மேலும், 28 பேர் படுகாயமடைந்த நிலையில், மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த தாக்குதலைத் தொடர்ந்து அப்பகுதியில் பாதுகாப்பு பலப்படுத்தப்பட்டுள்ளது.

இந்த தாக்குதலுக்கு ஐஎஸ் அமைப்பு பொறுப்பேற்றுள்ளது. மார்க்கெட் பகுதியில் பாதுகாப்பு பணியில் ஈடுபட்டிருந்த துணை ராணுவப்படையினரை குறி வைத்து இந்த தாக்குதல் நடத்தப்பட்டதாகவும், தாக்குதலில் 28 பேர் உயிரிழந்துள்ளதாகவும் ஐஎஸ் தீவிரவாத அமைப்பு வெளியிட்ட செய்தியில் கூறப்பட்டுள்ளது.

ஆதாரம்: kathiravan.com

சமூக வலைப்பின்னல்களில் பகிர்ந்து:

Comments - 0